കേരള ക്രിക്കറ് ലീഗ് വിജയികളെ ആദരിച്ചു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കേരള ക്രിക്കറ് ലീഗിൽ വിജയികളായ പത്തനംതിട്ട ജില്ലാ ടീമിനെ
പത്തനംതിട്ട ജില്ലാ ക്രിക്കറ്റ്‌ അസോസിയേഷൻ കുവൈറ്റും റോയൽ സ്‌ട്രെകേഴ്സ് കുവൈറ്റും സംയുക്തമായി  ആദരിച്ചു. കോശി തിരുവല്ലയുടെ അധ്യക്ഷതയിൽ കൂടിയ യോഗത്തിൽ തിരുവല്ല പ്രവാസി അസോസിയേഷൻ പ്രസിഡന്റ്‌ റെജി കോരുത്, ജനറൽ സെക്രട്ടറി ജെയിംസ് വി കൊട്ടാരം, ദീപക് അലക്സ് പണിക്കർ,അടൂർ എൻ ആർ ഐ ഫോറം പ്രസിഡന്റ്‌ ശ്രീകുമാർ,പത്തനംതിട്ട ജില്ലാ ക്യാപ്റ്റൻ പ്രശാന്ത് ആദി, അനിൽ കുമാർ മുരളീധരൻ, ഫ്രഡി, ദിനേഷ് എന്നിവർ പ്രസംഗിച്ചു. പത്തനംതിട്ട ജില്ലാ ക്രിക്കറ്റ് അസോസിയേഷൻ പുതിയ ഭാരവാഹികൾ. പ്രസിഡന്റ്‌ ജിജി പുറമറ്റം,വൈസ് പ്രസിഡന്റ്‌ ദിലീപ്, സെക്രട്ടറി സാബിൻ, ട്രഷറർ ദീപക് അലക്സ്,എന്നിവരെ യോഗത്തിൽ തിരഞ്ഞെടുത്തു.