ഇന്ത്യൻ വ്യോമസേന വിമാനം കുവൈത്തിലെത്തി ; കൂടുതൽ വൈദ്യ സഹായം ഇന്ത്യയിലേക്ക്

Times of Kuwait

കുവൈത്ത് സിറ്റി : കുവൈത്തിൽ നിന്ന് ഇന്ത്യയിലേക്ക് കൂടുതൽ വൈദ്യസഹായം എത്തിക്കുന്നതിന്റെ ഭാഗമായി ഇന്ത്യൻ വ്യോമസേന വിമാനം കുവൈത്തിലെത്തി. ഇന്ത്യന്‍ വ്യോമസേനയുടെ വിമാനം (ഐഎഎഫ് എയര്‍ക്രാഫ്റ്റ് സി17ജെ) ആണ് കുവൈത്തിൽ എത്തിയത്.

    കുവൈറ്റിൽ നിന്ന് ഓക്സിജൻ സിലിണ്ടറുകളും ദ്രവീകൃത മെഡിക്കൽ ഓക്സിജന് ഉൾപ്പെടെയുള്ള കൂടുതൽ വൈദ്യസഹായം കപ്പൽ വഴിയായി ഇന്ത്യയിൽ എത്തിക്കും. 

   കോവിഡ്‌ വ്യാപനത്തിൽ പ്രതിസന്ധിയിലായ ഇന്ത്യയ്ക്ക് കുവൈത്തിൽ നിന്നും ഇന്ത്യക്കുള്ള സഹായം നൽകുന്നതിൻറെ ഭാഗമായി കുവൈറ്റിൽ നിന്നും അയച്ച 210 മെട്രിക് ടൺ ദ്രവീകൃത വൈദ്യ ഓക്സിജനും 1200 ഓക്സിജൻ സിലണ്ടറും കഴിഞ്ഞ ആഴ്ച മംഗലാപുരത്തും കൊച്ചിയിലും എത്തിയിരുന്നു.